Thandan Veedu Nedungottoor

തണ്ടാൻ വീട് നെടുങ്ങോട്ടൂർ

നെടുങ്ങോട്ടൂർ ദേശത്തെ സാമുദായിക ഐക്യത്തിൻറെ പ്രതീകങ്ങളിൽ ഒന്നാണ് തണ്ടാൻ വീട്ടിൽ നെടുങ്ങോട്ടൂർ. പണ്ട് മുതൽ ദേശ കുതിരയുമായി അഭേദ്യമായ ബന്ധമാണ് ഇവർക്കുള്ളത്. പൂർവികർ ആചരിച്ചു വന്ന ആചാരങ്ങൾ ഇവിടെ മുറ തെറ്റാതെ ഇപ്പോഴും ആചരിച്ചു വരുന്നു. കാലം മാറുമ്പോൾ കാരണവന്മാർ മാറുന്നു എന്നാലും അനുഷ്ഠാനങ്ങൾ ഇവിടെ പിൻതുടർന്നു വരുന്നു. പാമ്പിൻകാവ് ഉള്ള അപൂർവം പഴ തറവാടുകളിൽ ഒന്നാണ് നെടുങ്ങോട്ടൂർ തണ്ടാൻ വീട്. 

ദേശ കുതിരക്ക് തല വെക്കുമ്പോൾ തണ്ടാൻ സമുദായത്തിൻറെ പ്രതിനിധിയായി നെടുങ്ങോട്ടൂർ തണ്ടാൻ വീട്ടിൽ നിന്നും ഒരു മുഖ്യസ്ഥന്റെ സാന്നിധ്യം കണ്ടത്തിൽ പതിവാണ്. അന്നേ ദിവസം ദേശത്തെ ആശാരിക്ക് തണ്ടാൻ വീട്ടിൽ നിന്നും അവരുടെ അവകാശമായ രണ്ട് നാളികേരം  നൽകാറുണ്ട്. ദേശകുതിര  ആരിയങ്കാവിലേക്ക് എഴുന്നള്ളുമ്പോൾ കുതിരക്ക് മുമ്പിൽ തണ്ടാൻ വീട്ടിൽ നിന്നുമൊരാളുടെ സാന്നിധ്യം പതിവായിരുന്നു. എഴുന്നെള്ളിപ്പ് പോകുന്ന വഴികളിലെ മാർഗതടസങ്ങൾ നീക്കുന്ന ചുമതല ഇവർക്കായിരുന്നു. 

പൂരം ദിവസം അതിരാവിലെ പൂതനും തിറയും കുഴുക്കോട്ടു കാവിൽ തൊഴുത് വണങ്ങിയ ശേഷം കോഴിശ്ശേരി മനയിൽ കളിച്ച് നെടുങ്ങോട്ടൂർ തണ്ടാൻ വീട്ടിൽ എത്തും. ഇവിടെയുള്ള ദൈവങ്ങളെ തൊഴുത് ശേഷമാണ് മറ്റ് വീടുകളിലേക്കുള്ള സഞ്ചാരം. പൂതനും തിറക്കും കൊട്ടുകാർക്കും ഉച്ചഭക്ഷണം തണ്ടാൻ വീട്ടിലാണ്. നല്ല നെല്ല് കുത്തരിയുടെ കഞ്ഞി, പയറ് പുഴുക്ക്, ചക്കപ്പേരി, പപ്പടം, എന്നിവയാണ് പതിവ്. കഞ്ഞി കുടി കഴിഞ്ഞാൽ അൽപ്പം വിശ്രമം പിന്നെ ചുവട് വെച്ച് ഗംഭീര കളിയാണ്. കളി കഴിഞ്ഞാൽ ഇവർക്ക് കോടി മുണ്ടും, ദക്ഷിണയും കൂടെ പതിവ് വഴിപാടായ രണ്ടിടങ്ങഴി നെല്ലും രണ്ടുനാഴി പുഴുങ്ങലരിയുമാണ് കൊടുക്കൽ.

എറുപ്പെ ശിവക്ഷേത്ര നടയിൽ നിന്നും നായരു വേല പുറപ്പെടുന്നതിന് മുമ്പേ ദേശത്തെ പൂതൻമാരും തിറകളും ആരിയങ്കാവിലെത്തണം. കാവിലേക്ക് പോകുമ്പോൾ ദേശത്തെ തണ്ടാൻ ഒപ്പം പോകണം. കവളപ്പാറ മൂപ്പിൽ നായർ ദേശത്തെ തണ്ടാനോടാണ് കാര്യങ്ങൾ ചോദിക്കുക. സമയം തെറ്റിയാൽ ദേശത്തെ തണ്ടാനാണ് മൂപ്പിൽ നായരോട് സമാധാനം ബോധിപ്പിക്കേണ്ടത്. പുതിയതായി ആരെങ്കിലും ദേശത്ത് താമസം മാറ്റിയാൽ ദേശം അറിയിക്കുകയും പൂതനും തിറയും കളിക്കണമെങ്കിൽ ദേശത്തെ തണ്ടാനോട് പറയുകയും വേണം. തണ്ടാനു താഴെയുള്ള  സമുദായത്തിൽ പൂതനും തിറയും കളിക്കാറില്ല.

വിവരങ്ങൾക്ക് കടപ്പാട് സതീന്ദ്രൻ 

 പ്രസാദ് കെ ഷൊർണുർ  

Nedungottoor Deshakuthira Pottanthullal

NEDUNGOTTOOR DESHAKUTHIRA POTTANTHULLAL

Its a traditional belief still every year done by somebody presently Veluthedathu Manikandan around running the desha kuthira in a particular style at Thannerpanthal.

PRSAD K SHORNUR

Desha Kuthira Route

DESHA KUTHIRA ROUTE

Nedungottoor desha kuthira ezhunnellippu journey starts from the nedungottoor kuthira kandam at 10 pm. First risk is to get on the road in front of Alikkalkulam. From there it goes through the road to Ariyankav. Some veterans saying that some decades ago kuthira have taken through the indian railway track from nedungottoor level cross to present closed bharathapuzha railway station then through the olden narrow road. When the trains increase that way of going have stopped.

PRASAD K SHORNUR

Anthoorkunnu Vibagam Nedungottoor

ആന്തൂർകുന്ന് വിഭാഗം നെടുങ്ങോട്ടൂർ 

യൂവാക്ക ടീം ആന്തൂർകുന്ന്

നെടുങ്ങോട്ടൂർ മുണ്ടമുക പ്രദേശങ്ങൾക്കിടയിൽ സ്ഥിതി ചെയുന്ന ഒരു കുന്നിൻ പ്രദേശമാണ് ആന്തൂർ. ഇവിടെ ഉള്ളവരുടെ സാന്നിധ്യവും  സഹകരണവും നെടുങ്ങോട്ടൂർ ദേശകുതിരക്ക് എന്നും ഒരു അവിഭാജ്യഘടകമാണ്. ഇന്നത്തെ തലമുറ ആന്തൂർകുന്നിൽ വളരെ മാതൃകാപരമായ രീതിയിൽ ഒത്തൊരുമിച്ച്‌ നിൽക്കുന്നു. ഇവർ അവിടെ ഒരു കൂട്ടായ്‌മ തന്നെ ഉണ്ടാക്കിയിട്ടുണ്ട് അതാണ് യൂവാക്ക. യൂവാക്കയുടെ നേതൃത്വത്തിൽ കഴിഞ്ഞ വർഷം ആന്തൂർകുന്നിൽ നിന്നും നെടുങ്ങോട്ടൂർ പ്രദേശം ചുറ്റി ഘോഷയാത്രയായി ഒരു പരിപാടി കുതിര കണ്ടത്തിൽ എത്തിയിരുന്നു. ഇത് ഒരു മാറ്റത്തിൻറെ പ്രതീകമായി കാണാം. നെടുങ്ങോട്ടൂർ കുതിര കണ്ടത്തിൽ നിന്നും ദേശകുതിരയെ ആരിയങ്കാവിലേക്ക് എഴുന്നെള്ളിച്ചു കൊണ്ട് പോകുന്നതിൽ ഇവരുടെ പങ്ക് വളരെ വലുതാണ്  

പ്രസാദ് കെ ഷൊർണുർ 

Kuthirakandathil Arangeriya Prathibakal

കുതിരകണ്ടത്തിൽ അരങ്ങേറിയ പ്രതിഭകൾ

നെടുങ്ങോട്ടൂർ ശ്രുതിയിൽ റീജ പാപ്പുള്ളി

1994 ൽ നെടുങ്ങോട്ടൂർ ദേശകുതിര കണ്ടത്തിൽ കുതിരകളി ദിവസം തായമ്പക അവതരിപ്പിക്കുന്ന റീജ പാപ്പുള്ളി. പാപ്പുള്ളി ഗോപിനാഥിന്റെയും കണ്ണന്നൂർ രാജേശ്വരിയുടെയും ഇളയ മകളായ റീജയുടെ പ്രകടനം അന്നത്തെ കാലത്ത് ഏറെ ത്രസിപ്പിക്കുന്ന ഒരു അനുഭവം തന്നെയായിരുന്നു. പെൺകുട്ടികൾ തായമ്പകയിൽ അപൂർവമായിരുന്ന ആ കാലത്ത് മുളയങ്കാവ് അരവിന്ദാക്ഷൻറെ ഈ ശിഷ്യ അന്ന് കാഴ്ച്ച വെച്ച കൊട്ടിൽ തീർത്ത കാലം ഇന്നും ഓർമകളിലെ ആവേശം വിതറുന്ന സ്‌മരണകളാകുന്നു. ദേശകുതിര നേതൃസ്ഥാനം ഒരുപാട് കാലം വഹിച്ച ഒരാളാണ് പാപ്പുള്ളി ഗോപിനാഥ് എന്ന നെടുങ്ങോട്ടൂർ നിവാസികൾ സ്നേഹപൂർവ്വം വിളിച്ചിരുന്ന ഗോപിയേട്ടൻ.

നെടുങ്ങോട്ടൂർ മുല്ലക്കൽ കൃഷ്ണവിനു

ആരിയങ്കാവ് പൂരാഘോഷത്തിൽ കുതിരകളി ദിവസം നെടുങ്ങോട്ടൂർ ദേശകുതിര എഴുന്നെള്ളിപ്പിൻറെ ഭാഗമായി കുതിര കണ്ടത്തിൽ നടക്കുന്ന പരിപാടികളിൽ ഏതാനും വർഷം ചില പ്രതിഭകൾ അരങ്ങേറിയിട്ടുണ്ട്. കുതിര കണ്ടത്തിൽ സ്ഥാപിതമായ കൽ വിളക്കിൽ അന്നേ ദിവസം തെളിയുന്ന തിരികളിലെ നാളങ്ങളെ സാക്ഷിയാക്കി ഇവർ അവരുടെ കഴിവുകളെ പുരുഷാരത്തിന് മുമ്പിൽ കാഴ്ച്ചവെക്കുന്നു ഇതിൽ ഒന്നാണ് ഞാൻ ഫോട്ടോ എടുത്ത 2006 ൽ അരങ്ങേറിയ കിള്ളിമംഗലം മുരളിയുടെ ശിക്ഷണത്തിൽ തായമ്പക അഭ്യസിച്ച നെടുങ്ങോട്ടൂർ മുല്ലക്കൽ കൃഷ്ണവിനു.

പ്രസാദ് കെ ഷൊർണുർ 

Nedungottoor Kuthira Ezhunnellippu

നെടുങ്ങോട്ടൂർ ദേശകുതിര എഴുന്നെള്ളിപ്പ്

' ദേശകുതിര എഴുന്നെള്ളിപ്പ് കമ്മിറ്റി ഓഫീസിന് മുമ്പിലൂടെ പോകുന്നു '

പ്രസാദ് കെ ഷൊർണുർ 

DeshaKuthira Kuthirakandam Elakkivekkal

ദേശകുതിര കുതിരകണ്ടം ഇളക്കിവെക്കൽ

നെടുങ്ങോട്ടൂർ ദേശകുതിര കുതിരകളി ദിവസം രാത്രി കൃത്യം 9:30 ന് നെടുങ്ങോട്ടൂർ കുതിര ണ്ടത്തിൽ നിന്നും തൊട്ടു താഴെ തെക്ക് ഭാഗത്തുള്ള മറ്റൊരു കണ്ടത്തിലേക്ക് ഇളക്കി വെക്കും.  ക

പ്രസാദ് കെ ഷൊർണുർ 

Deshakuthira Onaghosham Samapanam

ദേശകുതിര ഓണാഘോഷം സമാപനം

ആദ്യമായി ഒരു കിളികൊഞ്ചൽ

സ്വാഗതം പറയുന്നു സെക്രട്ടറി ഗിരീഷ് അമ്മാട്ടിൽ

അദ്ധ്യക്ഷത വഹിക്കുന്ന പ്രസിഡന്റ് സോമസുന്ദരൻ പാപ്പുള്ളി

റിപ്പോർട്ട് അവതരിപ്പിക്കുന്ന പ്രോഗ്രാം കൺവീനർ പ്രസാദ് കെ ഷൊർണുർ

ആശംസ അർപ്പിക്കുന്ന പ്രോഗ്രാം ചാർജുള്ള മണികണ്ഠൻ സുന്ദരൻ

ആശംസ അർപ്പിക്കുന്ന പ്രോഗ്രാം ചാർജുള്ള ബാലു

ആശംസ അർപ്പിക്കുന്ന പ്രോഗ്രാം ചാർജുള്ള അജികുമാർ

ആശംസ അർപ്പിക്കുന്ന പ്രോഗ്രാം ചാർജുള്ള പ്രദീപ് പാച്ചു

ആശംസ അർപ്പിക്കുന്ന നിതീഷ്

നന്ദി പറയുന്ന പ്രോഗ്രാം ചാർജുള്ള സനീഷ്

പ്രസാദ് കെ ഷൊർണുർ

Deshakuthira Onaghosham Kuttikalikal

ദേശകുതിര ഓണാഘോഷം കുട്ടികളികൾ

നെടുങ്ങോട്ടൂർ ദേശകുതിര കമ്മിറ്റി സംഘടിപ്പിച്ച 2017 ലെ ഓണാഘോഷ പരിപാടികളുടെ ഭാഗമായി ഉത്രാടം ദിവസം രാവിലെ പതിനൊന്ന് മണിക്ക് കുതിര കമ്മിറ്റി മന്ദിരത്തിന് സമീപമുള്ള കോഴിശ്ശേരി കോംപ്ലെക്സിന് മുൻവശത്ത് വെച്ച് കുട്ടികൾക്കായി മിട്ടായി വാരൽ, സ്‌പൂൺ റേസിംഗ്, സുന്ദരിക്ക് പൊട്ട് കുത്തൽ എന്നിവ നടത്തുകയുണ്ടായി. നെടുങ്ങോട്ടൂർ ദേശത്ത് ആദ്യമായിട്ടായിരുന്നു ഒരുപാട് കുട്ടികൾ പങ്കെടുത്ത ഇത്തരത്തിൽ ഒരു പരിപാടി.

മിട്ടായി വാരൽ മത്സരത്തിൽ പങ്കെടുത്തവർ

സ്‌പൂൺ റേസിംഗ് മത്സരത്തിൽ പങ്കെടുത്തവർ 

സുന്ദരിക്ക് പൊട്ടു കുത്തൽ മത്സരത്തിൽ പങ്കെടുത്തവർ 

പ്രസാദ് കെ ഷൊർണുർ 

Deshakuthira Onaghosham Pookalangal

ദേശകുതിര ഓണാഘോഷം പൂക്കളങ്ങൾ

നെടുങ്ങോട്ടൂർ ദേശകുതിര കമ്മിറ്റി 2017 ലെ ഓണ തിരുവോണ ദിവസം കമ്മിറ്റി മന്ദിരത്തിന് തൊട്ടടുത്തുള്ള നായർ സർവീസ് സൊസൈറ്റി 5703 നെടുങ്ങോട്ടൂർ കരയോഗം ഓഫീസിന് മുമ്പിൽ സൗകര്യാർത്ഥം തീർത്ത പൂക്കളം.

ദേശകുതിര കമ്മിറ്റി നെടുങ്ങോട്ടൂർ, ചരിത്രത്തിലാദ്യമായി 2017 ൽ ഓണാഘോഷ പരിപാടികൾ സംഘടിപ്പിക്കുകയുണ്ടായി. സെപ്‌തംബർ ഒന്നാം തിയ്യതി രാവിലെ പത്ത് മണിക്ക് കോഴിശ്ശേരി മന അങ്കണത്തിൽ വെച്ച് പൂക്കളമത്സരം നടത്തുകയുണ്ടായി. കോഴിശ്ശേരി സുബ്രമണ്യൻ നമ്പൂതിരിപ്പാട് മത്സരം ഔപചാരികമായി ഉദ്ഘാടനം നിർവഹിച്ചു. തദവസരത്തിൽ കമ്മിറ്റി പ്രസിഡന്റ് സോമസുന്ദരൻ പാപ്പുള്ളി, സെക്രട്ടറി ഗിരീഷ് അമ്മാട്ടിൽ, ട്രഷർ ബാബുരാജ് പാപ്പുള്ളി, പ്രോഗ്രാം കൺവീനർ പ്രസാദ് കെ ഷൊർണുർ, എക്സിക്യൂട്ടീവ് മെമ്പർമാർ, മറ്റു അംഗങ്ങൾ, മത്സരാർത്ഥികൾ, ദേശവാസികൾ തുടങ്ങിയവർ സന്നിഹിതരായിരുന്നു. 

കൃത്യം പതിനൊന്നര മണിക്ക് തീർത്ത പൂക്കളങ്ങൾ ജഡ്‌ജായി വന്ന മലയാള മനോരമ ചെറുതുരുത്തി റിപ്പോർട്ടർ ജയകുമാർ പാഞ്ഞാൾ നിരീക്ഷിച്ചു വിലയിരുത്തി. നാല് പേർ വീതമുള്ള അഞ്ച്‌ ടീമുകൾ പങ്കെടുത്ത ഒന്നര മണിക്കൂർ ദൈർഘ്യമുള്ള മത്സരത്തിൽ സ്ത്രീ പുരുഷ തുല്യ പങ്കാളിത്തം ശ്രദ്ധേയമായി. പ്രകൃതി ദത്തമായ പൂക്കൾ മാത്രം ഉപയോഗിച്ചുള്ള മത്സരത്തിൽ നാട്ടിൽ നിന്നും ശേഖരിച്ച പൂക്കൾ ജഡ്‌ജ്‌മെന്റിൽ പ്രശംസനീയമായി. നെടുങ്ങോട്ടൂരിൻറെ മണ്ണിൽ ആദ്യമായി നടന്ന പൂക്കളമത്സരം ഭാരവാഹികൾക്ക് ആത്മ സംതൃപ്തിയും കാഴ്ചക്കാർക്ക് ആനന്ദവും നൽകുന്നതായിരുന്നു. മത്സരാർത്ഥികൾക്കുള്ള സമ്മാനം പിന്നീട് നൽകുന്നതായിരിക്കുമെന്ന് അറിയിച്ചു കൊണ്ട് വിജയികളെ പ്രഖ്യാപിച്ചു 

ഒന്നാം സ്ഥാനം അർഹമായ ടീം പൂക്കളത്തിനരികിൽ

രണ്ടാം സ്ഥാനം അർഹമായ ടീം പൂക്കളത്തിനരികിൽ 

മൂന്നാം സ്ഥാനം അർഹമായ ടീം പൂക്കളത്തിനരികിൽ

നാലാം സ്ഥാനം അർഹമായ ടീം പൂക്കളത്തിനരികിൽ

അഞ്ചാം സ്ഥാനം അർഹമായ ടീം പൂക്കളത്തിനരികിൽ

പ്രസാദ് കെ ഷൊർണുർ 

Deshakuthira Alamkaram Nedungottoor

ദേശകുതിര അലങ്കാരം നെടുങ്ങോട്ടൂർ

പ്രസാദ് കെ ഷൊർണുർ 

Deshakuthira Panchavadyam Nedungottur

ദേശകുതിര പഞ്ചവാദ്യം നെടുങ്ങോട്ടൂർ

കേരളത്തിന്റെ തനതു വാദ്യകലകളില്‍ ഏറ്റവുമധികം പ്രസിദ്ധമായതു പഞ്ചവാദ്യമാണ്. പൂരങ്ങള്‍ക്കും വേലകള്‍ക്കും മറ്റു ക്ഷേത്രാത്സവങ്ങള്‍ക്കും പഞ്ചവാദ്യം ഗാംഭീര്യമേകുന്നു. തിമില, മദ്ദളം, ഇടയ്ക്ക, കൊമ്പ്, ഇലത്താളം എന്നീ വാദ്യങ്ങളാണ് ഈ കലാരൂപത്തില്‍ ഉപയോഗിക്കുന്നത്. ഓടക്കുഴല്‍, മൃദംഗം, കുഴല്‍ എന്നിവയും ഉപയോഗിക്കുന്ന പഞ്ചവാദ്യമേളങ്ങളും അപൂര്‍വ്വമല്ല.

തതം ച വിതതം ചൈവ
ഘനം സുഷിര മേവ വ
ഗാനമാനന്ദ നൃത്തം ച
പഞ്ചവാദ്യ പ്രവീണിത

എന്നിങ്ങനെയാണ് പഞ്ചവാദ്യത്തിന്റെ നിര്‍വചനം. തതം, വിതതം, ഘനം, സുഷിരം എന്നീ വാദ്യഘോഷങ്ങള്‍ (ഈ സമ്പ്രദായത്തില്‍ പ്രവര്‍ത്തിക്കുന്ന അഞ്ചു വാദ്യോപകരണങ്ങള്‍) ഉപയോഗിക്കണമെന്നാണ് പ്രമാണം. അഞ്ചുതരം വാദ്യോപകരണങ്ങള്‍ പഴയ  പതിവനുസരിച്ച് ചെണ്ട, കുറുംകുഴല്‍, തിമില, ഇടയ്ക്ക, ഢമനം എന്നിവയാണ്. ഇതിനു പുറമേ വീണ, വേണു, മൃദംഗം, ശംഖ്, പടഹങ്ങള്‍ എന്നിവയും പഞ്ചവാദ്യമായി നിര്‍വചിച്ചു കാണുന്നു.

ഇന്ന് പഞ്ചവാദ്യമേളത്തിന് ഉപയോഗിക്കുന്ന വാദ്യങ്ങള്‍ അഞ്ചിലധികമുണ്ട്. ഇടയ്ക്ക, തിമില, മദ്ദളം എന്നിവ എല്ലാ പഞ്ചവാദ്യമേളങ്ങള്‍ക്കും ഉപയോഗിക്കുന്നുണ്ട്. ഈ മൂന്നുവാദ്യങ്ങള്‍ക്കുപുറമേ ശംഖും ഇലത്താളവും അല്ലെങ്കില്‍ കൊമ്പും  ഇലത്താളവും ചിലയിടങ്ങളില്‍ ഉപയോഗിച്ചുവരുന്നു. തിമില, മദ്ദളം, ഇടയ്ക്ക എന്നിവ ചര്‍മ്മവാദ്യങ്ങളാണ്. കൊമ്പ്, ശംഖ്  എന്നിവ സുഷിരവാദ്യങ്ങളും, ഇലത്താളം ഘനവാദ്യവുമാണ്.  ആറു വ്യത്യസ്തനാദങ്ങള്‍ കൂടിച്ചേര്‍ന്നു സൃഷ്ടിക്കുന്ന നാദപ്രപഞ്ചമാണ് ഈ കലാരൂപത്തിന്റെ കാതല്‍.

പഞ്ചവാദ്യത്തില്‍ കലാകാരന്‍മാരുടെ എണ്ണത്തിന് പ്രത്യേകപരിധിയില്ല. എന്നാല്‍ വാദ്യോപകരണങ്ങള്‍ എത്രവേണം എന്നതിന് ചില കണക്കുകളുണ്ട്. മദ്ദളത്തിന്റെ എണ്ണത്തിന്റെ ഇരട്ടിയില്‍ ഒന്നു കൂടുതല്‍ തിമിലയും തിമിലയുടെ അത്ര തന്നെ കൊമ്പും, അത്രതന്നെ ഇലത്താളവും വേണം. ചെറിയ പഞ്ചവാദ്യങ്ങള്‍ക്ക് ഒന്നും വലിയ പഞ്ചവാദ്യങ്ങള്‍ക്ക് രണ്ടും ഇടയ്ക്കയുമാവാം  എത്രയായാലും ശംഖ് ഒന്നു മതി. അപൂര്‍വ്വമായി വലിയ പഞ്ചവാദ്യങ്ങളില്‍ ഒന്നിലധികം ശംഖ് കാണാറുണ്ട്. 

ഏറ്റവും ചെറിയ ഒരു പഞ്ചവാദ്യത്തിന് 3 തിമില, 1 മദ്ദളം, 1 ഇടയ്ക്ക, 2 ഇലത്താളം  2 കൊമ്പ്, 1 ശംഖ്  ഇത്രയെങ്കിലും വേണം. എല്ലാ ഇനങ്ങളും ഓരോന്നേ ഉളളുവെങ്കിലും പഞ്ചവാദ്യത്തിന്റെ ഒരു  പരിഛേദം കാണിക്കാം. അതില്‍ത്തന്നെ ശംഖിന് പകരം കൊമ്പ് ഉപയോഗിക്കാം. ശരാശരി വലിയ മേളത്തിന് 15 തിമില, 7 മദ്ദളം, 2 ഇടയ്ക്ക, 15 ഇലത്താളം, 15 കൊമ്പ്, 1 ശംഖ് എന്ന ചേരുവ ഉപയോഗിച്ചുവരുന്നുണ്ട്.

പ്രസാദ് കെ ഷൊർണുർ 

Deshakuthirakku Pattu Aniyikkal

ദേശകുതിരക്ക് പട്ട് അണിയിക്കൽ

ഏപ്രിൽ 3 ന് കുതിരകളി ദിവസം വൈകുന്നേരം പാട്ട് രാശിക്ക് ശേഷം കുതിരക്ക് തല വെപ്പ് കഴിഞ്ഞാൽ, കുതിര കോലത്തിൻ മേൽ പട്ട് അണിയിച്ച് ഒരുക്കും. വെള്ള, ചുവപ്പ്, നിറങ്ങളിലുള്ള പട്ടുകളാണ് കാലങ്ങളായി നെടുങ്ങോട്ടൂർ ദേശ കുതിര കോലം അണിയിച്ചൊരുക്കുവാൻ ഉപയോഗിക്കുന്നത്. ഇതിൽ മുന്നിലേക്കുള്ള ചുവന്ന പട്ട് വർഷങ്ങളായി പാപ്പുള്ളി കടമ്പാട്ട് രാമചന്ദ്രൻ നായരാണ് നൽകുന്നത്. പിന്നിലേക്കുള്ള വെള്ള പട്ട് കടമ്പാട്ട് തറവാട്ടിൽ നിന്നുമാണ് നൽകുന്നത്. ഇത് ഇടകാലത്ത് നിന്ന് പോയിരുന്നു. ആ കാലയളവിൽ പാപ്പുള്ളി ഉണ്ണികൃഷ്ണൻ  ഏറ്റെടുത്ത് നൽകി വരികയായിരുന്നു. എന്നാൽ ഇന്നിപ്പോൾ കടമ്പാട്ട് നിന്നും തന്നെ ഇളയ തലമുറയിലെ ഇന്നത്തെ നേതൃസ്ഥാനിയായ ഉണ്ണികൃഷ്ണൻ ഇത് ഏറ്റെടുത്ത് നൽകി വരുന്നു. 

പട്ട് അണിയിക്കൽ കഴിഞ്ഞാൽ പിന്നെ നാട ചുറ്റി മുറുക്കും. ആ മുറുക്കലിലാണ് പൊയ്‌കുതിരകൾ ഒതുക്കവും രൂപവും ചന്തവും വെക്കുന്നത്. ഇതിന് ഒരു പ്രത്യേക മുൻ പരിചയം അനിവാര്യമാണ്. പാപ്പുള്ളി കടമ്പാട്ട് രാമചന്ദ്രൻ നായരുടെയും തോപ്പിലെ തിലകന്റെയും കാലങ്ങളായുള്ള നേതൃത്വത്തിൽ ഈ പ്രക്രിയ വളരെ ഭംഗിയായി ഇന്നും ചെയ്‌തു വരുന്നു.

പ്രസാദ് കെ ഷൊർണുർ 

Deshakuthira Special Paripadi

ദേശകുതിര സ്‌പെഷ്യൽ പരിപാടി

മഞ്ഞക്കാട് കുഴുക്കോട്ട് കാവിൽ നിന്നും പുറപ്പെടുന്ന ദേശകുതിരയുടെ സ്‌പെഷ്യൽ പരിപാടിയായ സ്‌ത്രീകൾ അവതരിപ്പിക്കുന്ന ശിങ്കാരി മേളം

പ്രസാദ് കെ ഷൊർണുർ

Deshakuthira Thalavekkal Chadangukal

ദേശകുതിര തലവെക്കൽ ചടങ്ങുകൾ

നെടുങ്ങോട്ടൂർ ദേശകുതിര തലവെക്കൽ ആരിയങ്കാവ് പൂരത്തലേന്ന് കുതിരകളി ദിവസം വൈകുന്നേരം പാട്ട് രാശി കഴിഞ്ഞ് നാല് മണിയുടെയും നാലര മണിയുടെയും ഇടയിലാണ്. എനിക്ക് ഓർമ്മ വെച്ച കാലം മുതൽ നെടുങ്ങോട്ടൂർ ദേശകുതിര തലവെക്കൽ എൻറെ അച്ഛൻ പാപ്പുള്ളി കടമ്പാട്ട് രാമചന്ദ്രൻ അവർകളാണ്. 

പ്രസാദ് കെ ഷൊർണുർ 

Kammitty Ulsaham Kandatthil

കമ്മിറ്റി ഉത്സാഹം കണ്ടത്തിൽ

കമ്മിറ്റി ഉത്സാഹം കണ്ടത്തിൽ എന്നത് ഒരു തലക്കെട്ട് മാത്രം. നമ്മുടെ നാട്ടിൽ എവിടെ എന്ത് ആഘോഷം ഉണ്ടെങ്കിൽ അവിടെ ആദ്യം രൂപം കൊള്ളുന്ന ഒന്നാണ് ഒരു കമ്മിറ്റി. ഒരു കാര്യത്തിന് നിയോഗിക്കപ്പെടുന്ന സംഘം അതാണ് ഒരു കമ്മിറ്റി. എല്ലാ വർഷവും ആരിയങ്കാവ് പൂരാഘോഷങ്ങൾക്ക് വേണ്ടി കാവിലും, കാവിലേക്ക് ആഘോഷങ്ങളുമായി വരുന്ന ദേശങ്ങളിലും, ഇതിനായി അതാത് പ്രദേശങ്ങളിൽ സമർപ്പണ മനോഭാവമുള്ള ഭക്തർ ഒത്തു കൂടി സംഘം ചേർന്ന് ഒരു കമ്മിറ്റി രൂപീകരിക്കും. ശേഷം ഇത്തരം കമ്മിറ്റികളുടെ നേതൃത്വത്തിലാണ് ആഘോഷ പരിപാടികൾ. 

ഞാൻ കരുതുന്നു, എല്ലാ വർഷവും ആരിയങ്കാവ് പൂരാഘോഷങ്ങൾക്ക് വേണ്ടി ആദ്യം രൂപം കൊള്ളുന്ന ഒരു ദേശ കമ്മിറ്റിയാണ് നെടുങ്ങോട്ടൂർ ദേശ കുതിര കമ്മിറ്റി. ഇത് പോലെ തന്നെ ഏകദേശം ഒപ്പം രൂപം കൊള്ളുന്ന മറ്റൊരു ദേശ കമ്മിറ്റിയാണ് മുണ്ടായ ദേശ കുതിര കമ്മിറ്റി. നെടുങ്ങോട്ടൂരിനോട് ചേർന്ന് കിടക്കുന്ന സ്ഥലമാണ് മുണ്ടായ. മുണ്ടായ കൊടിച്ചി എന്ന പേരിൽ അറിയപ്പെടുന്ന ഒരുപാട് സവിശേഷതകൾ നിറഞ്ഞ ഒന്നാണ് മുണ്ടായ കുതിര. ആരിയങ്കാവിൽ എത്തുന്ന ഏക പെൺ കുതിരയാണ് മുണ്ടായ കൊടിച്ചി, ആരിയങ്കാവിൽ പൂരം നടക്കണമെങ്കിൽ മുണ്ടായ കൊടിച്ചി എത്തണമെന്നത് മറ്റൊരു ചരിത്ര സത്യം.

പ്രസാദ് കെ ഷൊർണുർ 

Ariyankav Bagavathy Sahayam

ആരിയങ്കാവ് ഭഗവതി സഹായം

തൊണ്ണൂറുമാറും ദേശം തട്ടകമാക്കിവാഴും,

തിരുസന്നിധി ഞങ്ങൾ സാദരം നമിക്കുന്നു...

തന്നീടുകമ്മേ തവ, തൃക്കടാക്ഷങ്ങൾ സദാ...

ആരിയങ്കാവിലമ്മേ, ഭദ്രകാളിയവും ദേവി... 

പ്രസാദ് കെ ഷൊർണുർ

Kuthirapany Kizhakkethil Kudumbam

കുതിരപണി കിഴക്കേതിൽ കുടുംബം

 സോമൻ & രാജൻ

കോഴിശ്ശേരി മനയിൽ സൂക്ഷിക്കുന്ന ദേശകുതിര തണ്ടുകൾ എല്ലാ വർഷവും ഏപ്രിൽ രണ്ടാം തിയ്യതി രാവിലെ ജനകീയ കമ്മിറ്റിയുടെ നേതൃത്വത്തിൽ കുതിര കണ്ടത്തിൽ എത്തിക്കും. അന്നേ ദിവസം തന്നെ ഇതിന് മുന്നോടിയായി കുതിര രൂപം ഉണ്ടാക്കുവാൻ ഉപയോഗിക്കുന്ന മുള കമ്മിറ്റിയുടെ മേൽനോട്ടത്തിൽ ലഭ്യമാകുന്ന സ്ഥലത്ത് നിന്നും ആവശ്യമായവ വെട്ടി എടുത്ത് കണ്ടത്തിൽ കൊണ്ട് വരും. തുടർന്ന് ഇവ യഥാവിധി തെയ്യാറാക്കി ഘടിപ്പിച്ച് കുതിര രൂപം നിർമ്മിക്കുന്ന ചുമതല ദേശത്തെ ആശാരിമാർക്കാണ്. ഇത് ഒരു അവകാശമായി കണ്ട് ചെയ്ത് വരുന്നു അവർ. എനിക്ക് ഓർമ്മ വെച്ച കാലം മുതൽ നെടുങ്ങോട്ടൂർ ദേശ കുതിര പണി ചെയുന്നത് കിഴക്കേതിൽ കുടുംബമാണ്.

ആദ്യ കാലത്ത് നെടുങ്ങോട്ടൂർ ദേശ കുതിര പണി ചെയ്‌ത്‌ വന്നിരുന്നത് ഇവിടെയുള്ള പടിഞ്ഞാറേതിൽ കുടുംബമായിരുന്നു എന്നും, അന്ന് ഇവരുടെ കൂടെ കിഴക്കേതിൽ ശങ്കരനാരായണൻ എന്ന തങ്കൻ ഉണ്ടായിരുന്നതായി പഴമക്കാർ ഓർമ്മപ്പെടുത്തുന്നു. ഇന്ന് കിഴക്കേതിൽ സോമനും രാജനുമാണ് നേതൃത്വത്തിൽ.

പ്രസാദ് കെ ഷൊർണുർ

Deshakuthirakku Mulavettal Pappulliyil

ദേശകുതിരക്ക് മുളവെട്ടൽ പാപ്പുള്ളിയിൽ

പുല്‍ വര്‍ഗത്തില്‍പ്പെട്ട ഏറ്റവും വലിയ സസ്യയിനമാണ് മുള. വളരെ    പെട്ടെന്ന് വളരുന്നതും നല്ല കാതലുമുള്ളതായ 'ആനപ്പുല്ല്'. പണ്ടു കാലത്ത് കേരളത്തിലെ കാര്‍ഷിക വൃത്തിയില്‍ മുളകള്‍ കൊണ്ടുള്ള ഉപകരണങ്ങളായിരുന്നു മുഴുവന്‍. കൊട്ട, വട്ടികള്‍, പലതരം മുറങ്ങള്‍ തുടങ്ങിയവയും. അളവു പാത്രങ്ങളും പാചകോപകരണങ്ങളും ഇതു കൊണ്ടുണ്ടാക്കുമായിരുന്നു. തെങ്ങോലയും  പനയോലയും പുല്ലും കൊണ്ട് കെട്ടി മേഞ്ഞിരുന്ന പുരകളുടെ പ്രധാന നിര്‍മാണ വസ്തു മുളയായിരുന്നു. ധാരാളം മുള്ളുകള്‍ ഉള്ളതു കൊണ്ടും ഒന്നോ രണ്ടോ കാലവര്‍ഷത്തെ അതിജീവിക്കുമെന്നതു കൊണ്ടും പറമ്പുകളുടെ അതിരുകളില്‍ വേലി കെട്ടുന്നതിന്ന് ഇതിന്റെ ചില്ലകള്‍ ഉപയോഗിച്ചിരുന്നു.

പ്രസാദ് കെ ഷൊർണുർ